Lau eme

30/11/2017

Gure buruak lanean dira berriz, oraingoan kalean eskeintzeko sorkuntza labur bat da esku artean degun proiektua. 2018ko Udaberrian aurkeztuko degu eta mimo eta ardura handiz lantzen ari gera. Gaia zeresan handikoa izanik, ideiak antolatu, dokumentatu, guzti honi forma ematen hastea izan da lehen pausoa. Eta behin hau eginda badegu lanean hasteko abiapuntu bat:


Lau emakume, lau emakume borrokan. Haien eskubideengatik borrokan. Aurrerapen handiak izan arren, lorpenak ematen ari diren arren, erne jarraitu behar delako. Amore eman gabe… Dagoeneko ez dira haien semeen eta familiaren zaintzaile hutsak, apurka haien lana eta horien baldintzak hobetzen doaz, sufritutako korse eta jantzi deserosoetaz aske dira orain, gizartearen erabakietan zeresana dute…

BAINA AMAITU AL DIRA BORROKA EGITEKO ARRAZOIAK? EZ.

Oraindik, matxismoaren arrastoak gizartean jarraitzen dute emakumeen bizi eta lan baldintzen kalterako. Berdintasuna aldarrikatuz, borroka egin zuten emakume eta sufragista guztiengatik,

GARRAXI EGIN DEZAGUN!

LAN BERRIA sorkuntza prozesuan I haatik dantza konpainia

LAN BERRIA sorkuntza prozesuan I haatik dantza konpainia

EUSKAL EMAKUMEA:

Historian zear, euskal emakumeak egunsentitik gauerarte lan egin dute, semeak erditu, etxeataz, familiataz, animalietaz eta baita baratzetaz arduratu dira. Sareak josi, arraia eta barazkiak saldu eta senarren ondoan borrokatu dute. Euskal matriarkatu ezagunak zerikusi gutxi du adimen sinpleek egozten dien agintaritzarekin eta asko aldiz sinesmen zaharrekin. Euskaldunen aintzinako erlijioa matriarkala zen, jainkosa ama batean sinesten zuten, kristautasunak irudikatzen zuen patriarkalaren aldean.

 

EMAKUMEZKOEN JANTZIAREN BILAKAERA:

Historian zear emakumezkoak erabilitako jantziek historiako gertakariak ulererazteko balio du. Soineko baten luzera, bat edo beste izatea, edo gerriaren kokapena ez ziren modak besterik gabe, gizartearen bilakaeraren adierazgarri errealak baizik.

Horregatik, jantzietan aurkitzen degu emakumeen borrokaren adieraz bide izango den metafora, eta sorkuntza prozesuan kontuan edukiko degun zutabeetako bat izango da.

Albistea · Compartir: Facebook · Twitter Google + LinkedIn