Haatik Dantza Konpainia I Euskal Dantza Garaikidea haatik

KONPAINIA

2011. urtetik, Haatik Dantza Konpainia gipuzkoarrak sorkuntza propioetan lan egiteaz gain, hainbat sortzaileekin elkarlanean aritzen da proposamen artistiko ezberdinak eskeiniz.

Euskara eta euskal kultura, konpainiaren nortasunaren oinarri dira eta bere sustraien eta lengoaia garaikideen arteko zubiak eraikitzen ditu.

2012. urtean aurkeztutako Errimak oinetan ikuskizuna izan zen konpainia ezagutzera eman zuen lana. Betsolaritza eta dantza uztartu zituen proposamen dibertigarri honek, emanaldi ugari egin zituen euskal herri osoan zehar. Eta ikusle eta kritikaren oso harrera ona jaso zuen.

Orduz geroztik, Vitali Safronkine, Iker Arrue, Abhilash Ningappa, Miquel Barcelona eta Laura Vilar bezelako koreografoekin lan egiteko aukera izan du, taldeko dantzarien formazioa landu eta Ilargiaren Malkoa edo Hormek Diote bezelako lan ikusgarriak aurrera eramanez.

2014. urtean kalean eskaintzeko ikuskizunak sortzeko bidea egiten du Haatikek. Eta ordu ezkero nazioarteko jaialdi esanguratsuetan izan da bai Itsas Lapurrak eta baita Lau Eme lanak aukezten. Euskal Herrian Kalealdia, Kaldearte eta Leioako Umore azokan, penintsulan Valladolideko TAC eta Bartzelonako NunOff, eta baita Frantziako Fest´arts, Les Sarabandes edo Musicalarue bezalako jaialdietan.

Azken urteetan bizitako ekoizpenik nabarmenena Dss2016-k abian jarritako “Hormek diote” proiektua izan da. Maila handiko artistekin aurrera eramandako kolaborazio proiektua izan zen. Non, Koldo Almandoz zinegilearen zuzendaritza artistikoaren gidaritzapean, bizikidetza eta elkarbizitzari buruzko hausnarketa sakona egin zuten sorkuntza ezberdinak eraman zituen aurrera Pascal Gaigne musikagile ospetsuarekin elkarlanean.

Haatikek dantzaren sorkuntza eta erakusketaz haratago, dantza gizartera hurbildu eta arte eszenikoen sektoreko beharrak asetzeko helburuarekin, dantzaren formazio, sensibilizazio eta zabalkunderako ildo ezberdinetan lan egiten du (H)IK DANTZA egitsmoaren bitartez.

ZUZENDARITZA

AIERT BEOBIDE EGAÑA. DONOSTIA 1978

Euskal dantza, dantza klasikoa eta baita dantza garaikidea landu ditu oso gaztetatik abiatutako ibilbide luzean zehar.

Proiektu ugariren partaide eta bultzatzaile izan da, azpimarratzekoa esperimentaziorako gogoak eta lanerako borondateak bultzaturik 2011. urtea ezkeroztik Haatik dantza konpainia martxan jarri eta honen buru diharduela.

Dantzari moduan, bakarkako lan pertsonaletan eta baita Aukeran eta Haatik konpainietako ikuskizunez gain Mikel Aristegi eta Ziomara Hormaetxe koreografoen dantza garaikideko lanetan ere parte hartu du.

Sorkuntza eta koreografia lanetan murgilduz hamar dantza lanetik gora aurkeztu ditu. Bai haatik konpainiarentzat eta baita azken hamarkadan lanean diardun Alurr dantza taldearekin ere.

Lana eta konstantzia dira bere bi herramienta erabilienak. Eta serioa eta razionala den arren, dantzan aurkitzen du barneko sentimentuak askatu eta sorkuntzaruntz bidaiatzeko bidea.